Hafin er víst enn ein herferðin á vegum andstæðinga hvalveiða gegn eftirspurn eftir hvalkjöti. Helztu rök þeirra til þessa gegn veiðunum hafa verið þau að enginn vildi borða hvalkjöt. Markmiðið hefur sem sagt verið að koma í veg fyrir framboð á hvalkjöti til þess að geta síðan sagt að eftirspurn væri ekki til staðar. Vitanlega er ekki heil brú í þessum málflutningi.
Fyrr á árinu sendi hópur listamanna áskorun á veitingastaði sem buðu upp á hvalkjöt og vildu að þeir tækju það af matseðli sínum. Fram kemur í grein á Vísir.is í gær að það hafi leitt til þess að fimm af tíu veitingastöðum á Suðvesturlandi hafi ákveðið að hætta að bjóða gestum sínum upp á hvalkjöt. Ekki vegna þess að eftirspurn eftir því hafi ekki verið til staðar.
„Við í Hvalavinum höfum þegar séð árangur af því að vekja athygli á þessum málum. Nú viljum við taka næsta skref: að draga úr eftirspurn. Ef enginn kaupir hvalkjöt er engin ástæða til að halda veiðum áfram,“ segir í greininni. Herja á einkum á erlenda ferðamenn. Væntanlega er núna meira að gera hjá hinum fimm veitingastöðunum enda eftirspurnin til staðar.
Hjörtur J. Guðmundsson
sagnfræðingur og alþjóðastjórnmálafræðingur
(Ljósmynd: Hvalveiðiskip í Reykjavíkurhöfn. Eigandi: Wurzeller)