Vefsíðan Stjórnmálin.is er vettvangur þar sem fjallað er um stjórnmál á Íslandi og erlendis. Ekki sízt þegar kemur að utanríkismálum og öryggis- og varnarmálum. Eigandi hennar er Hjörtur J. Guðmundsson, sagnfræðingur og alþjóðastjórnmálafræðingur (MA í alþjóðasamskiptum með áherzlu á Evrópufræði og öryggis- og varnarmál).
Hjörtur starfaði í áratug sem blaðamaður á Morgunblaðinu og mbl.is (2010-2020) þar sem hann fjallaði ekki sízt um stjórnmál, utanríkis-, öryggis- og varnarmál. Hann hefur einnig starfað sem sérfræðingur í alþjóða- og almannatengslum og sömuleiðis ritað skýrslur um stjórnmál og alþjóðamál fyrir bæði innlenda og erlenda aðila. Þá hefur Hjörtur um árabil verið ráðherrum og þingmönnum, innanlands sem og erlendis, til ráðgjafar í þeim efnum og sinnt trúnaðarstörfum á vettvangi Sjálfstæðisflokksins. Meðal annars á hann þannig sæti í flokksráði og utanríkismálanefnd flokksins.
Hjörtur hefur enn fremur flutt fjölmarga fyrirlestra um utanríkismál og öryggis- og varnarmál bæði hér heima og á erlendri grundu. Til að mynda á fundum og ráðstefnum í Bretlandi, Frakklandi, Belgíu, Danmörku og Noregi. Þar á meðal í húsakynnum þings Evrópusambandsins bæði í Strasbourg og Brussel. Þá hefur hann verið reglulegur gestur og álitsgjafi í bæði útvarps-, hlaðvarps- og sjónvarpsþáttum í gegnum tíðina þar sem hann hefur fjallað um stjórnmál og þá einkum með tilliti til utanríkis-, öryggis- og varnarmála.
Vefsíðan hóf göngu sína á fullveldisdaginn 1. desember 2024.
© 2024-2026 Hjörtur J. Guðmundsson. Allur réttur áskilinn.